Ráðgjöf
Starfsfólk ÚTÓN veitir ráðgjöf fyrir tónlistarverkefni sem vilja ná árangri erlendis. Veittar eru upplýsingar um ráðgjöf um m.a. tónleikahald erlendis og val á markaðssvæði, styrkjamál, showcase hátíðir og margt fleira.
1. Er verkefnið tilbúið í útfutning / export ready?
Mikil vinna getur legið að baki því að koma tónlistarverkefni á framfæri erlendis og mikilvægt er að gæta vel að undirbúningi áður en haldið er af stað. ÚTÓN hefur sett saman nokkur viðmið fyrir verkefni til að teljast tilbúin til útflutnings.
Tónlistarverkefni skulu vera:
Búin að gefa út tónlist sem er aðgengileg á öllum helstu miðlum og streymisveitum (t.d. Spotify, iTunes), miðað er við að nýjasta efnið sé ekki eldra en 5 ára.
Hafa reynslu af því að spila tónlist sína á lifandi vettvangi.
Með umgjörð utan um tónlistarverkefni sitt og búin að móta áherslur í markaðssókn. Mega líka gjarnan vera í samvinnu við umboðsmenn, útgáfufélög, tónleikabókara eða aðra viðskiptaaðila erlendis.
Vera með kynningarefni tilbúið á netinu, myndir, tónlist, heimasíða eða sambærileg samfélagsmiðla viðvera.
2. Undirbúningur
Til þess að fá sem mest út úr fundinum er best að vera með ákveðna hugmynd um hvaða upplýsingum eða tengslum þú vilt reyna að ná með fundi hjá okkur. Á heimasíðunni okkar má finna allar helstu upplýsingar, best er að vera búin að lesa í gegn um Verkfærakistuna okkar sem inniheldur upplýsingar og ráð um hvernig má vinna á alþjóðlegum vettvangi á faglegri og upplýstari hátt. Í Vegvísinum má síðan finna upplýsingar um mismunandi markaði sem kemur að góðum notum þegar verið er að gera áætlanir um hvert skal stefna.
Ef þú ert ekki viss um hvern best er að hafa samband við er hægt að senda tölvupóst á hello@icelandmusic.is og við komum honum á réttan stað.
Við hlökkum til að heyra frá þér!
ÚTÓN
Laugarvegur 105
105 Reykjavík
Ísland