Nýtt tölvupóstfang fyrir innsendingar á lagalista Iceland Music
ÚTÓN vill þakka íslensku tónlistarfólki kærlega fyrir að senda okkur nýjar útgáfur, svo við getum bætt þeim við lagalista Iceland Music.
Umfang lagalistana hjá okkur fer sívaxandi, en bæði hlustun á listana og fjöldi laga sem við fáum send inn fer sívaxandi. Alls eru fylgjendur á lagalista Iceland Music yfir 30.000, og fáum við send um 100 lög í hverjum mánuði.
Af því tilefni höfum við tekið upp nýtt netfang sem við biðjum ykkur um að senda lögin ykkar á: playlists@icelandmusic.is. Athugið að senda okkur lagið ykkar daginn sem það kemur út.
Nánari útskýringar á hvernig valið er inn á lagalistana má finna á: uton.is/lagalistar.
Í aðalatriðum virkar val inn á lagalistanna þannig,
Sendu lagið þitt inn á playlists@icelandmusic.is daginn sem það kemur út.
Ný lög fara beint inn á New Releases Iceland Music
ÚTÓN reynir að koma hverju lagi þar sem það passar inn, samkvæmt leiðbeiningunum sem vísað er í
Þið sjáið á bakenda Spotify for Artists þegar lagið ykkar er komið inn
Við hvetjum ykkur svo endilega til að deila listanum áfram til að auka sýnileika lagsins ykkar, og íslenskrar tónlistar almennt.