Nordic Folk Alliance – showcase hátíð í Gautaborg
Nordic Folk Alliance, tónlistarhátíð, ráðstefna og alþjóðavettvangur fyrir norrænt þjóðlagatónlistarfólk sem haldin er í Gautaborg í apríl. Þrjú íslensk tónlistaratriði koma fram, Svavar Knútur, Blood Harmony og Umbra.
Nordic Folk Alliance kynnir með stolti tónlistarhátíð og ráðstefnu sem haldin verður í annað sinn þann 20-22. apríl 2022 í Gautaborg í Svíþjóð. Hátíðin er alþjóðlegur vettvangur fyrir þjóðlagatónlist (e. ‘folk music’) og er sú stærsta sinnar tegundar á Norðurlöndunum. Á hátíðinni koma saman fagaðilar og unnendur þjóðlagatónlistar og skapa vettvang fyrir rísandi stjörnur á markaðnum. Fulltrúar Íslands á Nordic Folk Alliance 2022 eru Svavar Knútur, Blood Harmony og Umbra.
Þjóðlagatónlist nær til þeirrar tónlistarstefnu sem berst manna millum í gegnum aldirnar og byggir á sagnahefð. Tónlistin er oft rödduð eða leikin á hefðbundin hljóðfæri og nýtur sín best í lifandi flutningi. Umbra byggir frumsamdar útsetningar sínar á íslenskri og evrópskri miðaldatónlist, Blood Harmony er hljómsveit úr Svarfaðardal en þau systkinin Ösp, Örn og Björk Eldjárn byggja tónlist sína á fjölskylduarfleifð. Svavar Knútur sömuleiðis byggir tónlist sína á sögu forfeðra sinna og hefur unnið sér inn dyggan alþjóðlegan fylgjendahóp með einlægum og persónulegum flutningi.
Nordic Folk Alliance er skipulagt af Förvaltningen för Kulturutveckling Västra Götaland og NOMEX, samstarfsvettvangurinn af Norrænu útflutnings skrifstofunum: Music Norway, Export Music Sweden, Music Finland, Iceland Music og Tempi. ‘Nordic Folk Alliance’ styrkt af Göteborg & Co, Musikcentrum Väst, Bilda, Riksförbundet för Folk och Dansmusik, Folk You, Folkmusikens hus, Folk Alliance International, Roots & Sync, og Nordisk Kulturfond.